काठमाडौं । प्रधानमन्त्री एवं नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले राष्ट्रपतिको उम्मेदवारको नाम १३ गते टुङ्गो लाग्ने बताएका छन ।
नेकपा (एकीकृत समाजवादी) का अध्यक्ष माधवकुमार नेपालसँग बिहीबार सिंहदरबारमा भएको भेटवार्ता पछि सन्चारकर्मीहरु लाई सम्क्षिप्त प्रतिक्रिया दिदै प्रधानमन्त्री प्रचण्डले उक्त कुरा बताएका हुन ।
प्रचण्डको कथन थियो – “राष्ट्रपतिको उम्मेदवार १३ गतेसम्म टुंगो लागिहाल्छ नि ! “ चुनावअघिको गठबन्धन ब्युँतिन लागेको हो? भन्ने सन्चारकर्मिको अर्को प्रश्नमा प्रचण्डले भने– “त्योअहिले टुंगो लागेको छैन ।“
प्रचण्डसँगको भेटपछि एकीकृत समाजवादीका अध्यक्ष माधवकुमार नेपालले अहिले आफूहरूसँग विभिन्न विकल्पहरू रहेकाले ती सबैमा छलफल भइरहेको बताएका छन । “ हामीसँग अहिले विभिन्न अप्सन छन्, तीमध्ये जुनले देशको हित गर्छ त्यही छान्ने हो । “ नेता नेपालको भनाइ थियो ।
उक्त भेटवार्तामा माओवादीका तर्फबाट उपप्रधानमन्त्रीसमेत रहेका नेता नारायणकाजी श्रेष्ठ र एकीकृक समाजवादीबाट घनश्याम भुसाल पनि सहभागी रहेका थिए।
