पान्डीचेरी । अखिल भारत नेपाली एकता समाज नगर समिति पान्डिचेरीको आयोजनामा १८ अप्रेल २०२३ मा एक दिवसीय प्रशिक्षण कार्यक्रम सम्पन्न भएको छ ।
कार्यक्रमका प्रमुख अतिथि नेपाल कम्युनिस्ट पार्टी (मशाल) का केन्द्रीय सदस्य शशिधर भन्डारी थिए । भन्डारीले दीप प्रज्वलितगरी प्रशिक्षण कार्यक्रमकाे उद्घाटन गरेका थिए ।
प्रशिक्षण कार्यक्रमलाई शुभकामना दिनेहरूमा अखिल भारत नेपाली एकता समाजका क्षेत्रीय प्रतिनिधि प्रेम सुवेदी, नगर महिला बिभाग साथै रक्तिमनगर बिभाग सदस्य हरिकला थापा थिए ।
उद्घाटन कार्यक्रमपछि प्रमुख अतिथिबाट प्रशिक्षण गरिएको थियो ।
प्रशिक्षण कार्यक्रमको अध्यक्षता नगर अध्यक्ष सुर्यथापा, शब्दबाट स्वागत प्रेम केसी र संगीतबाट रक्तिमका कलाकारहरूले “एकताको सम्मेलन सफलतामा जुटेछौं” बोलको गीतबाट गरेका थिए ।
अतिथिको आशन ग्रहण पछि सहिदहरूको सम्मानमा एक मिनेट मौनधारण गरिएको थियो । कार्यक्रममा रक्तिमका कलाकारले “फुल्दैछ लेकैमा फुल युद्धको कोपिला बनेर” बोलको गीत प्रस्तुत गरेका थिए ।
