काठमाडौँ, ५ पुष । चीनको उत्तरपूर्वी क्षेत्र हेलोङजियाङ प्रान्तको जिक्सी सहरमा रहेको कोइला खानीमा दुर्घटना हुँदा कम्तीमा १२ जनाको मृत्यु तथा १३ जना घाइते भएको सरकारी सञ्चार माध्यमले जनाएको छ ।
दुर्घटना बुधबार (डिसेम्बर २०) दिउँस ३.५० मा भएको थियो । दुर्घटना भएको भोलिपल्ट (आज) मात्र चिनियाँ सञ्चारमाध्यमले जानकारी दिएका थिए ।
प्राप्त जानकारी अनुसार दुर्घटनामा घाइते भएका १३ जनालाई विभिन्न अस्पतालमा भर्ना गरिएको छ । केही घाइतेको अवस्था चिन्ताजनक रहेको बताइएको छ ।
दुर्घटनाको कारण बारे अहिलेसम्म आधिकारिक रुपमा थाहा हुन नसकेकाे र दुर्घटनाको कारण पत्ता लगाउन समिति गठन गरिएको छ ।
Comments
- Advertisement -