– मनु वि.क.
आज छ एउटा सपना
सपना मै विपना फुलाउने रहर छ ।
सपना नै विपना भएर फुल्छन्
मानव जीवनमा ।
मानवको सपनाले नै मानवलाई बचायो
मानवको सपनाले नै मानवलाई उठायो
मानवको सपनाले नै मानवलाई हिंडायो
मानवको सपनाले नै मानवता सिकायो ।
सपना त महान छ मानव जस्तै
सपना छ मानवता जस्तै
जव सपना मर्छ तब मानवता सकिन्छ
जव सपना सकिन्छ , सकिने छ विपना
हामी हुने छौं अमानव
यहाँ अमानव चाहिएको छैन
सपना विहीन
यो संसार लाई चाहिएको छ सुन्दर विपना
Comments
- Advertisement -