हिसार, भारत । अखिल भारत नेपाली एकता समाज हिसार नगरले १५ अगस्ट २०२३ मा भलिबल खेलकुद प्रतियोगिता सम्पन्न गरेकाे छ ।
एकता समाजका ३ टीम, प्रवासी संघबाट २ टीम र मूल प्रवाहबाट १ टीम गरी ६ वटा भलिबल टीमको बीचमा प्रतिस्पर्धा भएकाे थियो ।
अखिल भारत नेपाली एकता समाज केन्द्रीय समितिका श्याम बहादुर बिकले कार्यक्रमको रिवन काटेर उद्घाटन गरेका थिए । कार्यक्रमको अध्यक्षता नगर समिति अध्यक्ष जुक्त बहादुर कुवरले गरेका थिए भने कार्यक्रमको संचालन नगर सचिव रुद्र बहादुर थापाले गरेका थिए ।
भलिबल प्रतियोगितामा प्रथम प्रवासी नेपाली संघ, द्वितीय एकता समाजको रोहतक टीम र तेस्रोमा प्रवासी संघ विजय भएको छ ।
विजय खेलाडीहरुलाई केन्द्रीय समितिका श्याम बहादुर बिक सहित नगर अध्यक्ष जुक्त बहादुर कुँवर, सचिव रुद्र बहादुर थापा, नगर समितिका सुरज पौडेल, रुपेस बर्मा, राम बहादुर नेपाली र समिर भुसालले अबिर र प्रमाण पत्र हस्तान्तरण सहित बधाई समेत दिएका थिए ।
