काठमाडौं । नेपाली राष्ट्रिय क्रिकेट टोली २०७९ साउन ३ गते स्वदेश फर्किएको छ । आईसीसी विश्वकप लिग टू अन्तर्गतको स्कटल्याण्ड सिरिज खेलेर नेपाली राष्ट्रिय क्रिकेट टोली नेपाल फर्किएको हो । टोलीको स्कटल्याण्ड यात्रा भने सुखद रहन सकेन । नेपाली टोलीलाई नेपाल क्रिकेट संघ (क्यान) का पदाधिकारीले स्वागत गरेका थिए ।
स्कटल्याण्ड सिरिजमा नेपालले घरेलु टोली र नामिबियासँग दुई दुई खेल खेलेको थियो । सिरिजको ४ खेलमा नेपाल एक खेलमा मात्र विजयी भएको थियो । नामिबियासँगको दुई खेलमा दुवैमा नेपाल पराजित भएको थियो । घरेलु टोलीसँग नेपालले एक खेलमा जीत र एकमा हार व्यहोरेको थियो । लिग टू आगामी वर्ष भारतमा हुने एकदिवसीय विश्वकपको छनोट हो । यस प्रतियोगितामा सात टोलीको सहभागिता रहेको छ ।
नेपाल २० खेलबाट १७ अंक सहित छैटौं स्थानमा रहेको छ ।
Comments
- Advertisement -