कार्तिक २, काठमाडौ। प्रगतिशील साहित्यकार रामहरी पौडेलको आज निधन भएको छ । २००४ साल भदौ १५ गते काठमाडौंको घट्टेकुलामा जन्मनु भएका साहित्यकार पौडेलको “सल्ला सुसाइ दिन्छ”(कथा सङ्ग्रह ,२०४१), प्रतिनिधि नेपाली कथाहरू (संयुक्त सम्पादन, २०४६) र भानुभक्त आचार्यदेखि मोदनाथ प्रश्रितसम्म (समीक्षा ,२०५०)कृति प्रकाशित छन् । प्रगतिशील साहित्यको संस्थागत विकासमा पनि उहाँको योगदान रहेको छ । प्रगतिशील लेखक सङ्घको कार्यवाहक अध्यक्ष भएर पनि उहाँले भूमिका निभाउनु भएको थियो । प्रगतिवादी तथा प्रगतिशील साहित्यकारहरूले उहाँको मृत्यु प्रति श्रद्धाञ्जली व्यक्त गर्दै शोक सन्तप्त परिवारप्रति समवेदना व्यक्त गरेका छन् ।
Comments
- Advertisement -