वासिङ्टन : अमेरिकाको टेक्सासस्थित एउटा गाई फार्ममा आगलागी र विस्फोट हुँदा करिब १८ हजार गाईकाे मृत्यु भएकाे अन्तराष्ट्रिय समाचार एजेन्सीले बताएका छन् ।
टेक्सासको डिमिटमा रहेको साउथ फोर्क डेयरी फार्ममा विस्फोट भएको थियाे । यो संसारमा एउटै घटनामा मारिने सबैभन्दा धेरै गाईकाे संख्या रहेकाे बताएकाे छ । यो अमेरिकामा हरेक दिन मारिने गाईको संख्याको झण्डै तीन गुणा हाे । विष्फाेट यति भीषण थियो कि पूरै क्षेत्रमा कालो धुवाँ फैलिएको थियो । आगो निभाउन दमकलले घन्टाै मिहिनेत गरेका थिए ।
गाई फार्ममा भएकाे विष्फाेटबाट त्यहाँ रहेका ९० प्रतिशत गाईकाे जलेर मृत्यु भएकाे छ । फार्मले टेक्सासमा सबैभन्दा बढी दूध वितरण गर्दथ्याे ।
गाई फार्ममा कसरी आगाे लाग्याे त्यसबारे जानकारी प्राप्त हुन सकेकाे छैन ।
Comments
- Advertisement -