काठमाडौं । नेपालमा पछिल्लो २४ घण्टामा कोरोनाका २१ जना संक्रमित थपिएका छन् । यो अवधिमा कोरोना संक्रमणबाट कसैको पनि मृत्यु भने भएको छैन ।
स्वास्थ्य तथा जनसंख्या मन्त्रालयले २०७९ वैशाख १३ गते जनाए अनुसार ३ हजार ६४२ जनाको पीसीआर परीक्षण गर्दामा १९ जना र १ हजार १३३ जनाको एन्टीजेन परीक्षण गर्दा २ जना गरी २१ जनामा संक्रमण पुष्टि भएको हो ।
पछिल्लो २४ घण्टामा कोरोनाबाट १७ जना निको भएका छन् भने हाल देशभर २७१ जना सक्रिय संक्रमित रहेका छन् । जसमध्ये २७० जना होम आइसोलेसनमा रहेका छन् भने १ जना संस्थागत आइसोलेसनमा रहेका छन् ।
१३ वैशाखमा २१ जना थपिएसँगै नेपालमा कोरोना संक्रमितको कुल संख्या ११ लाख १८ हजार ९४५ पुगेको छ ।
Comments
- Advertisement -