काठमाडौं । नेपालले आगामी जुनमा अमेरिकामा हुने आईसीसी क्रिकेट विश्वकप लिग टु अन्तर्गतको पहिलो खेल ओमानसँग खेल्ने भएको छ । आईसीसीले आफ्नो आधिकारिक वेबसाइटमा राखेको उक्त श्रृंखलाको खेल तालिकामा सो कुरा उल्लेख गरिएको छ । उक्त अपडेटमा जनाइए अनुसार नेपालले पहिलो खेल जुन ९ (जेठ २६) मा ओमानसँग खेल्नेछ ।
यस्तै दोस्रो खेल जुन ११ (जेठ २८) मा अमरिकासँग खेल्नेछ । त्यसपछि नेपालले जेठ ३१ गते फेरि ओमानसँग र असार १ गते श्रीङ्खलाको अन्तिम खेल अमेरिकासँग खेल्नेछ । सन् २०२३ को एकदिवसीय विश्वकपमा छनोटको आधारको रुपमा रहेको लिग टु मा कूल ७ राष्ट्रले प्रतिस्पर्धा गरिरहेका छन् । जसमा नेपाल १२ खेलबाट १२ अंक जोडेर छैटौं स्थानमा छ ।
Comments
- Advertisement -