काठमाडौं । भारतीय प्रधानमन्त्री नरेन्द्र मोदी नेपाल आउने भएका छन् । मोदी आगामी जेठ २ गते अर्थात् बुद्ध जयन्तीका दिन नेपाल भ्रमणमा आउने भएका हुन् ।
भारतीय पत्रिका द हिन्दूले आफ्नो अनलाइन संस्करणमा उक्त कुरा उल्लेख गरेको छ । द हिन्दुको समाचारमा जनाइए अनुसार मोदी १६ मे मा बुद्ध जयन्तीको अवसर पारेर नेपाल आउने तयारीमा छन् । तर, यसबारे नेपालको परराष्ट्र मन्त्रालयले भने अझै कुनै औपचारिक टिप्पणी गरिसकेको छैन ।
नेपालले २ जेठमा भैरहवा अन्तर्राष्ट्रिय विमानस्थलबाट अन्तर्राष्ट्रिय उडानको तयारी गरेको छ । सोही बेला प्रधानमन्त्री शेरबहादुर देउवा र भारतीय समकक्षी मोदीबीच लुम्बिनीमा भेटको तारतम्य मिलाउन खोजिएको बुझिएको छ ।सन् २०१९ मा प्रधानमन्त्रीमा पुनर्निर्वाचित भएपछि मोदीको यो पहिलो नेपाल भ्रमण हुनेछ ।
Comments
- Advertisement -