नवलपुर । क्रान्तिकारी कम्युनिष्ट पार्टी नेपालको राष्ट्रिय एकता महाधिवेशनको पूर्व सन्ध्यामा नवलपुरका नगर तथा गाउँपालिकाको सम्मेलन तथा भेलाहरु सम्पन्न हुँदैछन् ।यसै क्रममा २०८१ असोज ५ गतेका दिन देवचुली नगरपालिकाको नगर भेला सम्पन्न भएको छ ।भेलाले विजय सचिव र पर्खाल सह सचिव रहेको ११ सदस्यीय पालिका समितिको चयन गरेको छ ।नगर संयोजक विजयको अध्यक्षता तथा सह संयोजक पर्खालको सञ्चालन एवं प्रसादको स्वागत मन्तव्य पछि महान शहिदहरुको सम्झनामा १ मिनेट मौन धारण गरिएको थियो ।भेलामा केन्द्रिय सचिवालय सदस्य तथा नवलपुर जिल्ला इन्चार्ज अनुकूलको प्रमुख आतिथ्यता एवं प्रदेश सदस्य पुष्प ,जिल्ला संयोजक दिपक ,सह संयोजक न्यु जर्जको आतिथ्यता रहेको थियो । देशको अवस्था , पार्टी एकता र पार्टीको राष्ट्रिय एकता महाधिवेशन केन्द्रित विषय वस्तु राख्दै प्रमुख अतिथि अनुकूलले शुभकामना मन्तव्य राखेका थिए ।
कार्यक्रममा जिल्ला संयोजक दिपकले देवचुली नगर समितिको प्यानल प्रस्ताव पेश गरेका थिए । पुष्प र न्यु जर्जले भेलामा शुभकामना तथा निर्वाचित समितिलाई बधाईदिएका थिए ।।भेलाले संगठनात्मक र आर्थिक विषयमा महत्त्वपूर्ण निर्णय लिनुका साथै आगामी कार्तिक १४ र १५ गते हुने जिल्ला सम्मेलनको लागि प्रतिनिधि छनोट गरेको छ ।अन्त्यमा भेलाले गरेका निर्णयलाई कडाइका साथ लागु गर्ने गराउने निर्णय पछि विजयले कार्यक्रमको समापन गरेका थिए ।
