भक्तपुर । क्रान्तिकारी कम्युनिष्ट पार्टी नेपाल भक्तपुर जिल्ला सम्मेलन जिल्ला संयोजक विवेकको अध्यक्षता जिल्ला सह संयोजक टेकहरी न्यौपानेको संचालन र रामकुमार दोङको स्वागतमा २०८१ असाेज ७ गते सम्पन्न भएको छ।
सम्मेलनमा प्रमुख अतिथि क्रान्तिकारी कम्युनिष्ट पार्टी नेपालका कार्यालय सदस्य तथा वरिष्ठ नेता गौरव रहेका थिए । अतिथिहरुमा कार्यालय सदस्य तथा प्रवक्ता सुदर्शन, कार्यालय सदस्य तथा ३ नंं प्रदेश संयोजक अटल, सचिवालय सदस्य तथा ३. प्रदेश सहसंयोजक प्रभात, सचिवालयसदस्य तथा ३. प्रदेश सह संयोजक प्रवेश सदस्य दलसिंङ खत्री रहेका थिए । ज्ञात अज्ञात शहिदहरु प्रति एक मिनेट मौन धारण गरिएको थियो । सम्मेलन सफलताको शुभकामना दिनेहरुमा प्रमुख अतिथि गौरव, प्रवक्ता सुदर्शन, ३.प्रदेश संयोजक अटल र सहसंयोजक प्रभात रहेका थिए ।सम्मेलनले १५ सदस्सीय भक्तपुर जिल्ला समिति चयन गरेको छ । जसमा सचिव विवेक र सहसचिव टेकहरी न्यौपाने रहेका छन् ।
