नवलपुर । क्रान्तिकारी कम्युनिष्ट पार्टी नेपाल नवलपुर जिल्ला अन्तर्गत मध्यविन्दु नगरपालिकाको नगर भेला केन्द्रिय सचिवालय सदस्य तथा नवलपुर जिल्ला इन्चार्ज अनुकूलको प्रमुख आतिथ्यतामा २०८१ असोज १७ गते सम्पन्न भएको छ । सुर्यको सञ्चालन र विदुरको अध्यक्षता तथा ज्ञात अज्ञात शहिदहरु प्रति १ मिनेट मौन धारण पछि रमेशले स्वागत मन्तव्य राखेका थिए । जिल्ला अधिवेशन ,राष्ट्रिय एकता महाधिवेशन , देशको अवस्था आदि विषयमा आफ्नो मन्तव्य राख्दै व्यानर वाचन गरी प्रमुख अतिथिको आसनबाट अनुकूलले भेलाको उद्घाटन गरेका थिए । भेलामा केन्द्रीय सदस्य आकाश , जिल्ला संयोजक एवं सह संयोजक दिपक र न्युजर्ज, प्रदेश सदस्य तथा जिल्ला सदस्य पर्खालको आतिथ्यता रहेको थियो ।
भेलामा अतिथि दिपकले मध्यविन्दु नगर समितिको प्यानल प्रस्ताव प्रस्तुत गरेका थिए । प्रस्ताव उपर व्यापक छलफल पछि सूर्यको नेतृत्वमा ९ सदस्यीय मध्यविन्दु नगर समितिको चयन गरिएको छ । आकाश , पर्खाल , न्यूजर्जले भेला सफलताको शुभकामना मन्तव्य तथा नव निर्वाचित समितिलाई बधाई दिएका थिए । भेलाले कार्तिक १४ र १५ गते हुने जिल्ला सम्मेलनकोलागि प्रतिनिधि चयन गर्नुका साथै अन्य महत्त्वपूर्ण निर्णयहरु गरेको छ । भेलामा सूर्यले समितिको तर्फबाट सफथग्रहण गरेका थिए ।अन्त्यमा अध्यक्षले उपस्थित सबैलाई धन्यवाद दिदै कार्यक्रमको समापन गरेका थिए ।
