केशव गाहा ‘पाल्पाली’
ईज्जत प्यारो हुन्छ नाम प्यारो हुन्छ
मजदुरलाई आफ्नो काम प्यारो हुन्छ
लुटेर खाने यस पूँजीवादी युगमा
पसिनाले कमाएको दाम प्यारो हुन्छ
बाध्यताले आएको हो यस सहरमा
हुन त हजुर आफ्नै ठाम प्यारो हुन्छ
काम नपाए त चुल्है जल्दैन हजुर
त्यसैले यहाँ हरेक याम प्यारो हुन्छ
परिवार देखी टाढा बिरानो ठाउँमा
बाआमाको चिट्ठी पत्र खाम प्यारो हुन्छ ।
Comments
- Advertisement -