‘अस्वीकार्य’

• आविष्कार कला

ताराहरूको आन्दोलनबाट

सूर्योदयपछि

जगत् उज्यालो गराउने

पहिलो बैठकले नै मेटिदियो

करोडौं ताराहरूको उपस्थिति ।

यता शान्तिभूमिमा

राजनैतिक उपलब्धिबाट

देश र जनताको नाममा

सपथ खाएपछि

चौतर्फी अवमूल्यन हुन्छ

मातृभूमि र वीरहरूमाथि ।

निराश हुँदै

आकाशतर्फ फर्किएर जनहरूले

एकै स्वरमा भने–

’दिउँसो तारा नदेखिनु

प्राकृतिक नियम स्वीकार्य छ

अब स्वीकार्य छैन

इतिहासदेखिको लुट सत्ताको राजनीति ।।

- Advertisement -