– इन्द्र भेटाल
सबै भन्दा सच्चा क्रान्तिकारी पार्टी
नेकपा (मसाल) को नेतृत्व हांै हामी ।
पार्टी सच्चा क्रान्तिकारी हुँदाहुँदै पनि
आज सत्ता र स्वार्थमा दक्षिणपन्थी भासमा
किन भासिदै छौ हामी ?
हिजो पुष्पलालले पंचायतको विरुद्व संघर्ष गर्न
काँग्रेससँग कार्यगत एकता गरांै भन्दा
पुष्पलाल गद्वार भनेर लालमोहर लगाउने पनि हामी ।
तर आज पार्टीेले घोषणा गरेको वर्गिय दुश्मन
काँग्रेससँग मिलेर सत्ताको उच्च संयन्त्रमा बसि
सरकारको नेतृत्व गर्ने पनि हामी ।
हिजो एमालेको केपि ओलिको सरकार नै
देश र जनताको निकास हो भन्ने पनि हामी ।
केपि ओलिको सरकारले राष्ट र राष्ट्रियताको
रक्षा गर्न सक्दैन भनेर बिरोध गरेकै आधारमा
कार्यकर्तालाई साधारण सदस्य समेत नरहने गरी
हटाउने पनि हामी ।
संसदिय चुनाबमा बटमलाईन विरुद्व
सबै जिल्लाहरुलाई तिलान्जलि दिदै
प्युठानमा मात्रै सिमित हुने पनि हामी ।
वर्ग दुश्मन घोषित काँग्रेस र पाँच दलीय गठबन्धनको साहारामा
राष्ट्रियसभामा एक सिट पड्काउने पनि हामी ।
पार्टी भित्रका गलत क्रियाकलापको विरुद्व
आवाज उठाउनेहरुलाई अनुशासनको
नाममा डण्डा बर्साउने पनि हामी ।
पार्टीको क्रान्तिकारी लाईनको रक्षा गर्नुपर्छ भन्ने
कार्यकर्तालाई प्रतिगमनकारी, र का एजेन्ट, राजावादी,
भनि घोषणा गर्ने पनि हामी ।
शोषित उत्पिडित वर्गको उत्थान र क्रान्तिको नाममा
कार्यकर्ताहरुलाई शोषण गर्ने र स्वार्थ पुर्ति गर्ने पनि हामि ।
पार्टीलाई दस्तावेजमा क्रान्तिकारी घोषणा गरे पनि
दक्षिणपन्थी दलदलमा डुबेर सत्ताको रसस्वादमा रमाउने पनि हामी ।
वर्गीय मित्र शक्ति घोषणा गरेका शक्तिहरुलाई
प्रतिगमनकारी घोषणा गर्ने पनि हामी ।
वर्गीय दुश्मनसँग लम्पसार पर्दै
सत्ता स्वार्थको लागि सरकारमा नरहे पनि
उच्च संयन्त्रको त ठेकेदार नै भयौ अब हामी ।
कार्यकर्ताहरुलाई मुक्ति र क्रान्तिको नाममा
गुमराहमा राख्न केहि हदसम्म
सफल नै भएका छौ हामि ।
अब हाम्रो पुस्ता पछि नेकपा मसाललाई
विसर्जन गर्न पनि दुर्तगतिमा लागि परेका छौ हामी ।
ब्यवहारमा दक्षिणपन्थी खोल भिरे पनि
दस्तावेजमा मसाललाई क्रान्तिकारी पार्टी
साबित गर्ने पनि हामी ।
सिद्वान्त र ब्यवहारको तालमेल
मिलाउन नसके पनि
कार्यकर्तालाई गुमराहमा पारेर
आप्mनो स्वार्थ पुरा गर्न सफल भएका छौ हामी ।
फेरि पनि नेकपा (मसाल) हामी।
नेकपा (मसाल) हामी
नेकपा (मसाल) हामी ।
