–कुमार
म सानो हुंदा सुन्ने गरेको थिंएं
हलो काटेर मुंग्रो,
अनि त्यसरी नै सुनेको थिंएं
न बजे बांसुरी,न रहे बांस
आजकलका दिनहरुको मुल्याङ्कनमा लाग्छ
हामी कतै त्यस्तै अबस्थामा त छैनौं ?
यतिबेला जीबनले कोल्टे फेर्न थालेकोछ
तिमीसंग लाप्पा खेल्दा खेल्दै थाकेर म
बिस्तरामा लम्पसार परेर सोचिरहेकोछु
किसानका धानका फांटहरुमा पहेल्पुर बन्दै
ब्यापारीका गोदाम र पसलहरुमाा सुगन्ध छर्दै
तिमी आफ्नो गुमेको जवानी प्राप्त गर्न
आंट,शाहस र हिम्मत बोकेर
गाउँंबाट भरखर शहर छिरेका ठिटीहरुले जस्तै
शरिरमा लगाइएका बस्त्रहरु छरपष्ट भए पनि
शिकारुले ओठमा पोतेको लाली छुट्टिएको भए पनि
उत्रेकी छौ सुन्दरी प्रतियोगितमा
शहरीया नबयौबनाहरुसैगै !
तिम्रो घांस,दाउरा,उकाली,ओराली
भन्ज्याङ्ग र द्योरालीहरुमा दौडेको अनुभब
सुन्दरीहरुको प्रतियोगितामा
क्याटवाकको मापदण्ड भित्र पर्छ,पर्दैन ?
तिम्रो प्राकृतिक सुन्दरताले
कृतिम रुपमा सजिएका सुन्दरीहरुसंग
प्रतिष्पर्धा गर्न सक्छ कि सक्दैन ?
सार्बजनिक धारोहरुमा नुहांउंदाको अनुभबले
सुन्दरी प्रतियोगिताको शरिर जंचाउने होडमा
काम गर्छ कि गर्दैन ?
शुभ–कामना छ तिमीलाई
आजको स्लिम रुचाइने युगमा पनि
भद्धा र स्थुल शरिर लिएर पनि
उत्रेकीछौ सुन्दरी प्रतियोगितामा
उमेरको हदले पिरोल्ने ठांउमा पनि
चार दशक पार गरीसकेकी तिमी
प्रतिष्पर्धाको लाममा बसेकी छौ ।
हामीलाई थाहा छ
प्रतिष्पर्धीहरुले तिमीलाई घेरीरहेका छन
यसर्थ कि
तिम्रो अनुभब अनी कार्य सन्जाल
थोरबहुत रुपमा चल्दै गरेको ऋद्यक्
कतै तिमी आउने त होइनौं
गोमन सांपको रुपमा हुङ्कार गर्दै ?
यतिबेला शिखरमा पुगेको बिश्व पूंजीबादले
ग्लोबल ईकोनोमिक क्राईसिसबाट तर्सिएर
दास क्यापिटलका पानाहरुमा समाधान खोज्न थाले जस्तै
कुनै दिन ग्लोबल मार्केटका ईकोनमिक सुन्दरीहरु
नेपाल र नेपालीहरुको मौलिकता खोज्न
तिमीले पहिचान गरेको कठिन बाटो रोज्न
तिम्रो अनुभबको सिको गर्न थाल्नेछन
त्यसैले प्रतिष्पर्धाका हरेक मोड र घुम्तीहरुमा
शुभ–कामना छ तिमीलाई सदा उत्कृष्ट बन्न ।
पाटनढोका
