काठमाडौं । अमेरिकी राष्ट्रपति डोनाल्ड ट्रम्पले रुसी राष्ट्रपति भ्लादिमिर पुटिन र युक्रेनियन राष्ट्रपति भ्लोदिमिर जेलेन्स्कीलाई भेट गराउने भनेका छन् । सो कुरा उनले अगस्ट १८ मा युक्रेनियन राष्ट्रपति भ्लोदिमिर जेलेन्स्की सहित डोनाल्ड ट्रम्पलाइृ भेट्न ह्वाइट हाउस पुगेका युरोपेली नेताहरुसितको भेटमा भनेका हुन् । ट्रम्पले अलास्कामा रूसका राष्ट्रपति भ्लादिमिर पुटिनलाई भेटे पछि युरोपेली नेताहरू सित बैठक गरेका हुन् । अन्तर्राष्ट्रिय संचार माध्यमहरुका अनुसार बैठकमा ट्रम्पका आशावादी शब्दहरू र उनका युरोपेली साझेदारहरूबाट केही हल्का मूल्याङ्कनहरू बाहेक रुस – युक्रेन युद्धलाई शान्ति सम्झौतातर्फ कदम चाल्ने कुनै ठोस प्रतिबद्धता थिएन।
ट्रम्पले भने ,“ यस्तो द्विपक्षीय बार्ता पछि निर्धारण गरिने स्थानमा अब त्रिपक्षीय वार्ता हुनेछ । मलाई लाग्छ उनी सम्झौता गर्न चाहन्छन् ” पुटिनलाई संकेत गर्दै। फेब्रुअरी २०२२ देखि सुरु भएको रूस –यक्रेन युद्धका कटु शत्रुहरू आमनेसामने होलान् वा नहोलान्, हेर्न बाँकी छ। महिनौंदेखि, जेलेन्स्कीले पुटिनलाई भेट्न जोड दिइरहेका छन्, यद्यपि यो सम्भवतः रूस शान्तिको पछि लाग्न गम्भीर छैन भन्ने उनको तर्क प्रमाणित गर्ने तरिका थियो, किनकि उनको विश्वास थियो कि क्रेमलिनलाई यस्तो बैठकमा कुनै चासो छैन। मस्कोले पुटिन–जेलेन्स्की बैठकको विचारलाई बारम्बार अस्वीकार गरेको छ। ट्रम्पले जेलेन्स्कीलाई २०१४ मा रुसले गाभेको क्रिमियाको दावी त्याग्नु पर्ने र युक्रेन नाटो सैनिक गठबन्धनमा सामेल हुन नहुने प्रस्तावित गरेका छन् ।
