हिसार । अखिल भारत नेपाली एकता समाज नगर संगठन समिति हिसारको आयोजनामा भलिबल प्रतियोगिता सम्पन्न भएको छ । भलिबल प्रतियोगिता कार्यक्रममा युनिर्भसिटीमा जुक्त बहादुर कुँवरको अध्यक्षता रुद्र बहादुर थापाको संचालन रहेको थियो । केन्द्रीय सचिव नारायण शर्मा र सल्लाहकार श्याम बहादुर बि.क.को आतिथ्यता रहेको थियो । सहिदको सम्झनामा एक मिनेट मौन धारण पछि उपस्थित सम्पूर्ण खेलाडी टिम लगायत दर्शकहरुलाई समिर भुसालले स्वागत गर्नु गरेका थिए ।
खेलको उद्घाटन केन्द्रीय सचिव नारायण शर्माले गरेका थिए । उहाँले नेपालको पानी र जवानी आज भारत र खाडी मुलुकले प्रयोग गरिरहेको बताउनु भयो ।
अखिल भारत नेपाली एकता समाजको तीन टिम, प्रवासी नेपाली र मूल प्रवाह गरी पाँच टिमको प्रतिस्पर्दा हुँदा अखिल भारत नेपाली एकताको समाज टिम प्रथम, प्रवासी नेपाली संघ भारत द्वितीय, र मूल प्रवाह तृतिय हुन सफल भएका थिए । विजेता टिमलाई अतिथि नारायण शर्मा र श्याम बि.क.ले पुरस्कार प्रदान गरेका थिए ।
