डेनिस एन्थोनी टिटो पहिलो अन्तरिक्ष पर्यटक हुन् । उनको जन्म अगस्ट ८, १९४० मा अमेरिकाको न्यूयोर्कको क्वीन्समा भएको थियो । उनी एक इन्जिनियर र उद्यमी हुन्। विश्वको पहिलो अन्तरिक्ष पर्यटक डेनिस टिटोले सन् २००१ मा अन्तरिक्ष यात्रा गरेका थिए।
टिटोले सन् २००१ मा रुसी अन्तर्राष्ट्रिय अन्तरिक्ष स्टेसनका लागि उडान गर्न २० मिलियन डलर भुक्तानी गरेका थिए।
उनी आठ दिनका लागि यात्रामा गएका थिए। उनले त्यसलाई जीवनकै सबैभन्दा उत्कृष्ट अनुभव भनेकाछन् ।।
उनले न्यूयोर्क शहरको फरेस्ट हिल्स हाई स्कूलबाट स्नातक गरे। उनले १९६२ मा न्यूयोर्क विश्वविद्यालयबाट अन्तरिक्ष विज्ञानमा स्नातक डिग्री र हार्टफोर्ड, कनेक्टिकटमा रहेको रेन्सेलेर पोलिटेक्निक इन्स्टिच्युट स्याटेलाइट क्याम्पसबाट इन्जिनियरिङ विज्ञानमा स्नातकोत्तर डिग्री हासिल गरेका छन्।ृउनले मे १८, २००२ मा रेन्सेलेर पोलिटेक्निक इन्स्टिच्युटबाट इन्जिनियरिङको मानार्थ विद्यावारिधि प्राप्त गरे र नासा जेट प्रोपल्सन प्रयोगशालाका वैज्ञानिक बने । टिटोलाई १९९० को दशकमा लस एन्जलसको पानी तथा विद्युत विभागको आयुक्त बोर्डमा नियुक्त गरिएको थियो ।
१९७२ मा, उनले क्यालिफोर्नियाको सान्ता मोनिकामा लगानी व्यवस्थापन, परामर्श र प्रविधि सेवाहरूको प्रमुख प्रदायक, विल्शायर एसोसिएट्स स्थापना गरे। फेब्रुअरी २०१३ मा, टिटोले २०१८ सम्ममा मंगल ग्रहमा निजी रूपमा वित्त पोषित अन्तरिक्ष उडान पठाउने आफ्नो इरादा घोषणा गरे र भने कि प्रविधि पहिले नै अवस्थित छ र समाधान गर्न आवश्यक समस्याहरू मानव चालक दलको लागि मनोवैज्ञानिक र शारीरिक रूपमा ५०१ दिनको यात्राको कठोरता मात्र हो।
